കോവിഡ് 19 മനുഷ്യരിലെത്തിച്ചത് റക്കൂണുകൾ ആവാൻ സാധ്യത ഏറെയെന്ന് പഠന റിപ്പോർട്ട്. 2019 മുതൽ ശാസ്ത്രലോകം ഉത്തരം തേടുന്ന ഒരു ചോദ്യമാണിത്. കൃത്യമായി പറയാൻ സാധിച്ചിട്ടില്ലെങ്കിലും ചൈനയിലെ വുഹാനിലുള്ള ഹുവാനൻ ചന്തയിൽ നിന്നാകണം വൈറസ് മനുഷ്യരിലെത്തിയതെന്ന് സൂചിപ്പിക്കുന്ന പഠനങ്ങൾ ഇതിനകം പുറത്ത് വന്നിട്ടുണ്ട്‌. ഹുവാനൻ ചന്തയിൽ തുകലിനായും മാംസത്തിനായും വിറ്റിരുന്ന റക്കൂണിൽ നിന്നാണ് കോവിഡ് 19-ന്റെ തുടക്കം എന്ന് ആദ്യംമുതൽ സംശയിച്ചിരുന്നു. വവ്വാലുകളിൽ നിന്ന് വൈറസ് ബാധിച്ച റക്കൂണുകൾ രോഗം മനുഷ്യരിൽ എത്തിച്ചു എന്നാണ് കരുതുന്നത്. കോവിഡ് 19-ന് കാരണമായ വൈറസിന്റെ വിഭാഗത്തിലുള്ള സാർസ് കോവ്-2 വൈറസ് റക്കൂണുകളെ ബാധിക്കുകയും രോഗലക്ഷണങ്ങൾ പ്രകടിപ്പിച്ചില്ലെങ്കിലും രോഗാണുവിനെ ഇവ മറ്റുജീവികളിലേക്ക്‌ പരത്തും. 2023-ലെ ഒരു പഠനപ്രകാരം ഹുവാനൻ മാർക്കറ്റിൽ നിന്ന് 2020-ൽ ശേഖരിച്ച ഡി.എൻ.എ. സാംപിളുകളിൽ സാർസ് കോവ്-2 ബാധിച്ച റാക്കൂണുകളുടെ ഡി.എൻ.എ. കണ്ടെത്തിയതും ഇവയെ ‘പ്രതിപ്പട്ടിക’യുടെ ഏറ്റവും മുകളിൽ എത്തിച്ചതായും ഗവേഷകർ വ്യക്തമാക്കി.
Discussion about this post