ഹൃദയസ്തംഭനം വന്നവരുടെ ഹൃദയങ്ങൾ അവയവമാറ്റം കൂടാതെത്തന്നെ സുഖപ്പെടുത്താനാകുന്ന ‘ഇംപ്ലാന്റബിൾ പാച്ചുകൾ’ നിർമിച്ച് ഗവേഷകർ. ജർമനിയിലെ യൂണിവേഴ്സിറ്റി മെഡിക്കൽ സെന്റർ ഗോട്ടിഗനിലെ ഗവേഷകരാണ് കണ്ടെത്തലിനു പിന്നിൽ. മിടിക്കുന്ന ഹൃദയപേശികളോടുകൂടിയ ഈ പാച്ച്, അവയവത്തെ സങ്കോചിക്കാൻ സഹായിക്കുകയും ഹൃദയപേശികളെ സുസ്ഥിരമാക്കുകയും ശക്തിപ്പെടുത്തുകയും ചെയ്യുമെന്നാണ് ഗവേഷകർ അവകാശപ്പെടുന്നത്. മൃഗങ്ങളിലെ പരീക്ഷണത്തിൽ മികച്ച പ്രകടനം കാഴ്ചവെച്ച പാച്ച് ഇപ്പോൾ മനുഷ്യരിൽ പരീക്ഷിക്കാൻ ഒരുങ്ങുകയാണ്. ഹൃദയം മാറ്റിവെക്കൽ ശസ്ത്രക്രിയകൾക്കും ചെലവേറിയ കൃത്രിമ ഹൃദയപമ്പുകൾക്കും പകരം ഉപയോഗിക്കാവുന്ന ഒന്നാണ് ഈ പാച്ചുകളെന്ന് ഗവേഷകർ പറയുന്നു. 15 രോഗികളിൽ ഇതിനകം ഗവേഷണസംഘം പരീക്ഷണാടിസ്ഥാനത്തിൽ പാച്ചുകൾ ഘടിപ്പിച്ചിട്ടുണ്ട്. പഠനം ജേണൽ നേച്ചറിൽ പ്രസിദ്ധീകരിച്ചിട്ടുണ്ട്.
Discussion about this post